TVH, ’n wêreldwye speler in die veld van materiaalhantering, gaan vir die 13de keer deelneem aan die CeMAT-handelskou in Hannover, die grootste intralogistiekskou ter wêreld. Met ’n uitstalruimte van nie minder nie as 718 m² gaan die maatskappy die uiteenlopendheid van beskikbare produkte en dienste ten toon stel.

Twee binnemuurse kraampies

Die grootste kraampie is die binnemuurse kraampie 025 L09 met ’n oppervlakte van 534 m². Hierdie kraampie maak dit duidelik dat TVH homself met reg ’n eenstopwinkel kan noem vir materiaalhantering, industriële en landboutoerusting. Die kollig val veral op reeks of toebehore en verbruiksitems wat omvattend uitgebrei is.

Daarbenewens toon ’n uitstalling van 4.5 metres breed en 2 meter hoog die verbeterings wat TVH onlangs geïmplementeer het aan sy webwinkel, MyTotalSource. TVH het omvattend belê in hierdie aanlyn navraag-, opsoek- en bestelwebwerf omdat al hoe meer klante dit elke dag gebruik. Vandag gebruik 80% van die klante MyTotalSource op ’n daaglikse basis.

Die tweede binnemuurse kraampie, 025 L01, stel die CAM attachments®-hegstukke en veëroplossings ten toon.

Buitemuurs kraampie

By die buitemuurse kraampie FG FF11 gaan die Toerustingafdeling die reeks tweedehandse hysertrokke en hoogwerkplatforms ten toon stel. Die masjiene gaan met CAM attachments®-hegstukke toegerus wees vir die bekendstelling van ’n spesiale aanbod op hierdie produkte.

Meer as net hysertrokonderdele

TVH wil graag vir sy klante die eenstopwinkel wees vir alle onderdele en toebehore. Deelname aan CeMat sal die verbintenis tot die eenstopwinkelervaring beklemtoon.

”Vanjaar het ons ook op ’n ‘gasvryheidkraampie’ besluit omdat ons graag ons dank teenoor ons klante wil betoon. Die rede: geen klante ... geen TVH.” sê Bernard De Meester, HUB Onderdele & Toebehore Internasionaal.