Die mateco groep het op 26 Maart 2015 die internasionale titel van ‘Toegangverhuringsmaatskappy van die jaar’ in Washington ontvang. Mateco het hierdie IAPA-toekenning ontvang danksy groeiende omsetsyfers en aansienlike beleggings in die verhuringsvloot, die netwerk van takke en die veiligheidsopleidingkursusse van die afgelope jaar. Armin Rappen, mateco se bestuurder, en Pascal Vanhalst, HUB by TVH Groep, het die prys namens die meer as 500 mateco-werknemers in ontvangs geneem.

Die ‘International Awards for Powered Access’, of IAPA-toekenning, is die belangrikste internasionale prys in die sektor. Die toekennings is versprei oor 13 kategorieë en word deur ’n professionele paneel beslis. Die toekenning is ’n spesiale verering vir die mateco groep wat die aandag vestig op die sukses van die maatskappy en die ekstra inspanning oor die afgelope paar jaar.

Dit was ’n suksesvolle jaar gewees
In die kategorie ‘Toegangverhuringsmaatskappy van die jaar‘ kon mateco sy man staan teen talle internasionale spelers in die toegangstoerustingsektor. “Die maatskappy het ’n ongelooflike jaar beleef”, meen die paneel. Kyk na die groeiende omsetsyfers, die aansienlike beleggings in nuwe hoogwerkplatforms met groter kapasiteit, die uitbreiding van die taknetwerk en die feit dat mateco die ‘PlatformCard’-opleiding oor veiligheid aan meer as 4000 mense gebied het. Aldus Armin Rappen, bestuurder by mateco, en Pascal Vanhalst, HUB by die TVH Groep, is die titel ook te danke aan die talle klante wat hul vertroue in mateco plaas en die deurlopende pogings om die diens te optimaliseer. Hierbenewens volg mateco ’n strategie van konsekwente groei, wat bestaan uit die uitbreiding van takke en talle ander beleggings. Hierdie beleid het onder meer gelei tot ’n verhuringsvloot wat minder as 5 jaar oud is.

Wêreldwye netwerk
Die mateco groep verhuur al meer as 40 jaar lank hoogwerkplatforms. Hulle klantedatabasis sluit in bou-ondernemings, fasiliteitsbestuur, die mobiele sektor, die media, tuin- en landskapsargitekte … Die verhuringsvloot bestaan uit meer as 6000 hoogwerkplatforms in meer as 700 verskillende weergawes. Met filiale in Luxemburg en Pole en meer as 80 sterk vennote wêreldwyd, ontplooi mateco ook hoogwerkplatforms buite Duitsland se grense. Die maatskappy is sedert 2012 deel van TVH. Dit stel die maatskappy in staat om te steun op ’n wêreldwye netwerk van meer as 17 000 masjiene.
Meer inligting by www.mateco.de

Op die foto, van links na regs:                                                         
Armin Rappen, bestuurder mateco
Pascal Vanhalst, HUB by TVH Groep